Ang El filibusterismo ay isa sa mga librong isinulat ni Dr. Jose Rizal ayon sa tl.wikipedia.org

Ang El filibusterismo o Ang Paghahari ng Kasakiman ang pangalawang nobelang isinulat ng pambansang bayani ng Pilipinas na si Jose Rizal, na kaniyang buong pusong inialay sa tatlong paring martir na lalong kilala sa bansag na Gomburza o Gomez, Burgos, at Zamora. Ito ang karugtong o sequel sa Noli Me Tangere at tulad sa Noli, nagdanas si Rizal ng hirap habang sinusulat ito at, tulad din nito, nakasulat ito sa Kastila. Sinimulan niya ang akda noong Oktubre ng 1887 habang nagpapraktis ng medisina sa Calamba.

Sa London, noong 1888, gumawa siya ng maraming pagbabago sa plot at pinagbuti niya ang ilang mga kabanata. Ipinagpatuloy ni Rizal ang pagtatrabaho sa kaniyang manuskrito habang naninirahan sa Paris, Madrid, at Brussel, at nakompleto niya ito noong Marso 29, 1891 Biarritz. Inilathala ito sa taon ring iyon sa Gent. Isang nagngangalang Valentin Ventura na isa niyang kaibigan ang nagpahiram ng pera sa kanya upang maipalimbag at mailathala ng maayos ang aklat noong Setyembre 22,1891

Ang nasabing nobela ay pampulitika na nagpapadama, nagpapahiwatig at nagpapagising pang lalo sa maalab na hangaring makapagtamo ng tunay na kalayaan at karapatan ng bayan<

Mga tauhan ng El filibusterismo

Ito ang mga tauhan sa El filibusterismo ni Jose Rizal.^[6]

• Simoun – ang mayamang mag-aalahas, na nakasalaming may kulay, na umano’y tagapayo ng Kapitan Heneral ngunit siya ay si Crisostomo Ibarra na nagbalik upang maghiganti sa kanyang mga kaaway.
• Isagani – ang makatang kasintahan ni Paulita, pamangkin ni Padre Florentino.
• Basilio – ang mag-aaral ng medisina at kasintahan ni Juli.
• Kabesang Tales – ang naghahangad ng karapatan sa pagmamay-ari ng lupang sinasaka na inaangkin ng mga prayle.
• Tandang Selo – ama ni Kabesang Tales na nabaril ng kanyang sariling apo.
• Senyor Pasta – Ang tagapayo ng mga prayle sa mga suliraning legal.
• Ben Zayb – ang mamamahayag sa pahayagan.
• Placido Penitente – ang mag-aaral na nawalan ng ganang mag-aral sanhi ng suliraning pampaaralan.
• Padre Camorra – ang mukhang artilyerong pari.
• Padre Fernandez – ang paring Dominikong may malayang paninindigan.
• Padre Florentino – ang amain ni Isagani
• Don Custodio – ang kilala sa tawag na Buena Tinta
• Padre Irene – ang kaanib ng mga kabataan sa pagtatatag ng Akademya ng Wikang Kastila
• Juanito Pelaez – ang mag-aaral na kinagigiliwan ng mga propesor; nabibilang sa kilalang angkang may dugong Kastila
• Macaraig – ang mayamang mag-aaral na masigasig na nakikipaglaban para sa pagtatatag ng Akademya ng Wikang Kastila ngunit biglang nawala sa oras ng kagipitan.
• Sandoval – ang kawaning Kastila na sang-ayon o panig sa ipinaglalaban ng mga mag-aaral
• Donya Victorina – ang mapagpanggap na isang Europea ngunit isa namang Pilipina; tiyahin ni Paulita.
• Paulita Gomez – kasintahan ni Isagani ngunit nagpakasal kay Juanito Pelaez.
• Quiroga – isang mangangalakal na Intsik na nais magkaroon ng konsulado sa Pilipinas.
• Juli – anak ni Kabesang Tales at katipan ni Basilio.
• Hermana Bali – naghimok kay Juli upang humingi ng tulong kay Padre Camorra.
• Hermana Penchang – ang mayaman at madasaling babae na pinaglilingkuran ni Juli.
• Ginoong Leeds – ang misteryosong Amerikanong nagtatanghal sa perya.
• Imuthis – ang mahiwagang ulo sa palabas ni Ginoong Leeds

Incoming search terms:

• el filibusterismo
• el fili
• mga tauhan sa el filibusterismo
• el filibusterismo tauhan
• jose rizal el filibusterismo
• history of el filibusterismo
• elfilibusterismo
• el filibusterismo pictures
• tauhan ng el filibusterismo
• basilio ng el filibusterismo